И досітъ ся впстає загадков, ош чому вже на другый конгрес христопродавиць піп Митьо Сидор ни призначать "делегатом" злодія, курваша и вбивцю Ивана Туряницю. И первый раз пописко Сидор ни призначив "делегатами" на русинсъкый конгрес такых бронтозаврів русинсъкого началствованя, гикой Юра Думнич и Иван Кривськый из Ужгорода, Ладьо Лецович и Євген Жупан из Мукачова... Хоть туйкы христопродавця попа Митю Сидора мош порозуміти. Айбо нияк ни мош порозуміти, ош чому ввін не призначив "делегатом" на конгрес три годы тому вчиненого ним голову "спілки русинських письменників", рухівця Михайила Града ?! Правда, "спілка русинських письменників" живе лем на папірьови, айбо по Канадї--Америцї Магочі-могучый дав йів велику рекламу. А чому христопродавиць піп Митьо Сидор не призначив "делегатами" на русинськиый конгрес ним же самым просунутого в лавреаты премиї имени А.Духновича бездарного коломыйкаря Ивана Калинича, авать маляря Володьку Микиту, котрый уд Магочія-могучого купив coбi премию имени А. Духновича ?! Може "згорi" ни рекомендовали ?! Ци - якась ина біда ?! Нич ни зрозуміло...
Ни можеме порозуміти, ош чому так радосно хорішта Мигаль Алмашій из трибуны семого конгреса русинов у Пряшові извіщав тамкы притомных, ош лем дякувучи дуже великів роботї, котру вєдно з ним провели меже русинами на Підкарпатю піп Митьо Сидор, команішта Мигалъ Шарга, Иван Устич, Степан Сігеті, Иван Кривськый а Митьо Поп, што русинами на Підкарпатю в 2002 годї ся записало онъ ... дисять изрів чиляди !.../Сисе, кой є нас туйкы білше гикой дивятсто изрів русинської чиляди !/. Може Алмашійови споминалися тоты пять изрів доларів, што йих дістали уд дїаспоры русинської и подїлили меже собов, и скильтовали на личні потребы, а чиляди ни дали нич... Тому дисять изрів ся лем и записало. Хоть могло ся записати дивятсто изрів русинів ! А на яку таку роботу валовшны команішты, атеїшты и алкоголїкы, загнані вкрайинськов безпеков у русинські началникы !? Лем на розрушавучу ! меже собов, и скильтовали на личні потребы, а чиляди ни дали нич... Тому дисять изрів ся лем и записало. Хоть могло ся записати дивятсто изрів русинів ! А на яку таку роботу валовшны команішты, атеїшты и алкоголїкы, загнані вкрайинськов безпеков у русинські началникы !? Лем на розрушавучу !
Мало съме ся потурігали у призначеных христопродавцъом попом Митъом Сидором "делегатах на русинськый конгрес" у Пряшів 2003 года лем дїла того, обы вказати, ош ТКО ТАМ БЫВ, бо иппен сисе и опридїляє, ош ШТО ТАМ БЫЛО!
Айно, иппен туйкы бы ся падало й уповісти дашто за роботу конгреса. Айбо, дорога русинсъка чиляде, и тота, што бывала на тых конгресах, и тота, што лем за нї штось чула, ци чули вы обы даякый из магочійісъкых сїмох гикойбы русинськых конгресів дашто рішив дїла нас - дїла истинных підкарпацькых русинів ?! Шуга ! Нигда ! Нич !
Може на дакотромусь из тых сїмох доста помпезно проведеных конгресах было опридїлено, ош ТКО и ШТО суть иннись русины в Америцї й Канадї, и ШТО они значатъ для русинства вообще и для нас - русинів Підкарпатя -особно?! Шуга! Нигда! Нич !
Може на дакотромусь из тых сїмохо гикойбы русинськых конгресів было точно опридїлено, ош ШТО и ТКО суть русины в Словакиї, в Полщи, в Мадярщинї, Югославиї и які в них перспективы ?! Шуга ! Нигда ! Нич ! Може на дакотромусь из тых сїмох конгресів было вповіжено, ош ТКО и ШТО суть инниськы русины на Підкарпатю и яка перспектива в них самых ?! Яка перспектива у них уєдно из инодержавныма русинами світа ?! Шуга ! Нигда ! Нич !
Може на послїдному - семому - конгресови у Пряшові было розобрано ситуацію повного розгрома русинства на Підкарпатю, якый точно засвідчило минулорічноє списованя чиляди на Украйинї ?! Шута ! Нигда ! Нич !!!
Кажда дїтина на Підкарпатю днисъка знає имена и "титулы" головных погромщиків - изничтожителів русинства на Підкарпатю - сисе суть:
- злодїй, курваш и вбивця Иван Туряниця;
- Христопродавицъ піп Митьо Сидор;
- хорішта Мигаль Алмашій;
- команішта, атеїшта и алкоголик Мигаль Шарга;
- паскуды Підкарпатя XX віка Cepгій и Иван Устичі;
- по аморалности и жадобности до наживы йим руні Иван Кривськый, Юра Думнич, Микола Макара, нидоросткы Иван и Митьо Попы !
И истинный ЛІДЕР ПАСКУДСТВА, ЗЛОДЇЙСТВА и УБМАНА - канацькый американтош Боб Магочі ! Сисе є воістину ФЕНОМЕН ИННИШНЬОГО АМЕРИЦЬКОГО МАРЖИНСТВА !
Всї сїм гикойбы русинськых конгресів были проведені як ШОУ во славу Магочія-могучого !
И ани єден из сих сїмох гикойбы русинськых конгресів ни дав нам -истинным русинам ! - нич ! Шуга !
Но та што ?! РУСИНСТВО BMEPЛO ?!..
Ньит ! Ни вмерло нич. Лем иппен УЗДЫХАЛИ, ЗГИРИЛИСЯ магочійівські конгрес-шоу ! А дїла нас - истинных русинів - давно вже здох и Магочі. Боб.
Кыдъбы нагодов и поправдї ся штось плановало дись гикой ищи єден гикой бы русинськый конгрес - из Підкарпатя на ньому ни буде ани єдного нормалного русина. Допускаєме, ош христопродавиць піп Митьо Сидор, надївучися й на подалші подачкы уд Магочія-могучого, упят призначить "делегатами русинсъкого конгреса" СЕБЕ ЛЮБИМОГО, ЛЮБИМУ ПОПАДЮ АНЦЮ, ЛЮБИМЫХ ДОНЬОК И ЙИХ ЧОЛОВІКІВ /чуєме, ош поповы донькы ся помалы ВДДАВУТЬ/ - уже маєме лем Сидорів - шістьох "делегатів", но а безсмертный команішта, атеїшта и алкоголїк Мигаль Шapгa, а хорішта Мигаль Алмашій - уже маєме вісім. Но и щи дись пару схожых паскуд найдуть - и підуть конгресовати во славу Магочія-могучого и в имня повноты свойых жебів.
Нашоє завданя - завданя истинных русинов ! - провбайловати помалы воскрешати того, што было убито, спаскужено и скомпрометовано Магочійом и бандов. И мы - истинні русины Підкарпатя будеме сисе робити ! Но !- без магочійовськых конгрес-шоу ! Йих дїла нас білше ниє й ни буде ! И - без Магочія ! Первым документом, котрый буде принятый на первому зібраню Цїмбораства Истинных Русинів, котроє буде у другів половінї сектембра 2003 года в Ужгородї, буде заява-обращениє до русинської дїаспоры світа из просїньом ни довіряти білше злодїйови и бандітови Бобови Магочію - за чотыринадцятъ годів свої провокаторсъкої роботы в русинстві Магочі довіх русинство до нуля - до зера ! А сам ся накрав так, што доста ним уд русинів украденого буде и його дїтьом, и онукам !
До роботы Цімбораства Истинных Русинів ни буде допущено ани єдного паскуду, котрый ся раховав русинсъкым началником, а сам русинам лем паскудив - йих мерзкі имена выше мы перераховали.
Нам, русинам Підкарпатя, треба бы опридїлити, ош ТКО МЫ Є, ШТО МЫ ХОЧЕME и - ШТО МЫ MOЖЕME ?! Йсе буде май тяже. Но мы вто зробиме.
Бо дїла нас - истинных русинов - русинсъка идея ни є пустым звуком, аватъ, гикой дїла Магочія и банды - сигналом до крадїня ! Ньит !
Русинство є основов нашої душі !
Русинство завдає тоналність у нашых иннишньых слезных молитвах до Бога!
Русинство - світлый завтрашнъый динь нашых дїточок !
... Дисъ два тыжнї тому мав им довгу бисїду из автором передмовы до мої первої поетичної книгы "Знак весны" /1979 год/, бывшым послом Украйины в Чехословакиї, а по розпаді - послом Украйины в Чехиї Романом Лубківсъкым. Та Роман Мар'янович ми зажурено - гикой истинных галичанин !-каже, ош кыдьбы ни было РУСИНСЬКОГО КЫВАНЯ НА ЗАКАРПАТТІ /ПІДКАРПАТЮ/, та у СЛОВАКИЇ и ЧЕХИЇ русинство было бы давно вже задушено. Ни віровати такому опытному полїтикови ни мош.
Айно, мы - русины Підкарпатя - задушені и зничтожені Магочійом и бандов, усе щи штось у сім світї значиме. А кить повдмітуєме уд себе поназаганяну до нас паскудоту - Магочія, Туряницю, Сидора, Алмашія, Шаргу, Попів, Кривського, Думнича, Макару и иже с ними !- та мы будеме наційов у державі Украйині! Будеме !
Лем дїла сього маєме не гамішловати, ай смертелнов любовльов любити свій РУСИНСЬКЫЙ НАРОД и - БЕЗ ЧЕКАНЯ ЯКОЇСЪ НАГРАДЫ ЦИ ПЛАТНЇ ЗА ВТО ! -до скона свого віка з усьых душевных и фізичных сил робити на благо націоналного воскрешенія русинського народа.
Haй живутъ пуд Божым сонцъом русины!

22 августа 2003 года Иван ПЕТРОВЦІЙ - истинный русин

ЗАГОЛОВКЫ | Пишіть! |