Petrovtsiy

Петровций Иван

Иван Петровцій
НАШІ СПІВАНКЫ :

ГОСПОДИ, ПОМИЛУЙ РУСИНIВ!
Кой лем гiя й мийриг в краю путкарпацькiм,
Кой на ротi - камiнь, а на сирцю - лiд,
Господи, помилуй бисiду руснацьку,
Господи, помилуй всьый руснацькый рiд!

Прояви, Всивышньый, всимогущу силу -
Господи, помилуй! Господи, помилуй!

Ни забештелуєш, ни закарандачиш
Тої цяткы луфту, вбысь туй ни вчадiв.
Хоть - нисиринчливый! - нарiд мiй ни плаче,
Господи, помилуй добрых русинiв!

Прояви, Всивышньый, всимогущу силу -
Господи, помилуй! Господи, помилуй!

Русин быв, є й буде народом побожным.
Русин быв, є й буде тым, кым овiн є.
У скарбизнiм свiтi у часы трывожнi
Лем Всимилостивый жити нам дає!

Прояви, Всивышньый, всимогущу силу -
Господи, помилуй! Господи, помилуй!

ЗАГОЛОВКЫ | Пишіть! |