Petrovtsiy

Петровций Иван

Иван Петровцій
НАШІ СПІВАНКЫ :

СПIВАНКА ЗА ПОЄТIВ
Йих было п'ять -
майстрiв словесно бессмысленных звiрств.
Нитко и нигде йих ни слухав,
ни друковав, ни читав:
Сiмволiст, iмажiнiст, сюрреалiст,
концептуалiст, бiтангiст.
И каждый май бiлшый погар т свому пыскови рвав.

Быв первый, ги Пруст, другый -ги Джойс,
тритьый схожый на Ноя,
Четвертый - ги Далi, п'ятый -
ги Хармс, карiку в носi носив:
Быв даун, дибiл, олигофрен, шизофреник
и паранойик -
Йсе кить раховати йих май лехкi хворости.

Кой первый рас, ги свiнi, понапивалися поєты,
И вже мохом уброслу бочку улизали гет до динця,
Завiшеный на хыжню геренду закывався петек -
Йсе иппен такоє, гикойбы здыхала жива щи вiця.

А дале ся почали мiряти, ош тко ис них
май розумный:
Даун Пруст?! Дибiл Джойс!? Ной олигофрен?!
Шизофреник Далi!? Ци с карiков у носi Хармс,
що - сумно
Словом товстым имав
типирiшньый тонкый момент?!..

В унiтаза уткрылися очи,
кой сюрреалiст сiв голым задом на унiтаз,
Возоры ся позакрывали,
краны закашлали, трiс падамент,
Стiны стали човколадовi,
ни запаленый шваблик загас,
Ленiн продав Брежнєву лысину,
ги якыйись цiнный придмет...

В хыжи - мiнус дваццить,
на улици - плюс дваццить:
Йсе значить, що в склянцi - руно сорок.
А я вас звiдаву,
ош ци варто йим было так напиватися?!!
И вiруву,
ош вы ми на йсе утвiтите щи ни скоро...

ЗАГОЛОВКЫ | Пишіть! |