Petrovtsiy

Петровций Иван

Иван Петровцій
НАШІ СПІВАНКЫ :

ДО РУСИНIВ
Партократы... Дымократы...
И - нищасный мiй народ:
Не лем в жеб покласти нiщо -
Нiщо покласти у рот...

Милый русине, утямся!
Мийригашный, де ты йдеш?!
Тко ни найде спокiй в собi,
Тот ни найде го нигде!

Що тебе змийриговало?!
Тот дурный нацiоналiст!?..
Тко бойиться мраку ночи,
Тот ни ввидить нигда звiзд!

Галицькi нацiоналiсты
Довели до безны нас -
Нiвщо вдiтися, ни iсти...
Но, та най йим буде фрас!

Говорять єнно, а чинять
Ймак ни вто, псячi сыны.
Плюнь на них, пайташу милый, -
Пак, бо тко мы?! -Русины!

Заповiв нам Бог русинськый
Полiвляти дуракам...
Айбо своє - сокотити!
Й - лiпша доля буде нам.

Партократы... Дымократы...
Галичане... Прийшлякы...
Будь лем русином, русине,
Й - поздыхавуть здыхлякы!

ЗАГОЛОВКЫ | Пишіть! |