Petrovtsiy

Петровций Иван

Иван Петровцій
НАШІ СПІВАНКЫ :

СПІВАНКА ЗА НАЦМЕНА
Щи як ты, русине-брате,
Быв Страны Советов сын,
Та все сь думав, ош нацмены
Вто - грузин, вать армянин.

Може так тото и было,
Айбо так уже ниє,
Бо Страна Советов славна
Лем в сирцях у нас гниє.

Де была Страна Советов,
Там цвіте ннись сто диржав.
А ты, русине нищасный,
До Украйины попав.

И типир ты кожив чуєш
Историчный сись момент:
У виликів Украйині
Каждый русин є - нацмен.

И вже майже довго буде
В Украйині славнів - тут:
Галичане - суперлюде,
Украйинце - просто люд!..

А русин - націонална
Меншина лем, и тому
Галичане й украйинце
Научавуть йих уму.

Уткіть розум у русина,
Кой в украйинця ввін є?!..
Галичанин суперменом
На вирьховині жиє.

Вбы вкрайинцям доказати
Йих паскудство, йихню лжу,
Сам виликый Бог ис неба
Вер Карпаты, ги межу,

Що навхтема поділила
Зимлю, віру и язык...
Айбо вкрайиниць до правды
И до чесности ни звык:

Лізуть, лізуть в Путкарпатя,
Трощать, трощать наш народ...
Та дасть Бог - мы с свого краю
Уженеме гет заброд.

Піде вкрайиниць додому,
Й галичанин - супермен.
И николи в Путкарпатю
Русин ни буде нацмен!

ЗАГОЛОВКЫ | Пишіть! |