Petrovtsiy

Петровций Иван

Иван Петровцій
НАШІ СПІВАНКЫ :

СПIВАНКА ЗА ПIЛЛУ РИПУТАЦIЮ
Де в силi м колись ходив
До дiвок на танцi я,
Дуже в ня нифайна ннись,
Пiлла рипутацiя.

По силу йдиме малi.
Нiч. Зима. Говiня.
Вшиткi мовчкы собi йдуть -
Я вищу, ги свиня!

Та й в ошколу м як пiшов,
Всьо м чинив по-свинськы:
Дiти вчитильцi вгажавуть,
Я ї йму за цицьку.

Як ушиткых вчитильок
В школi м перепытав,
Гет науку всю забыв -
Бiлше я ни быв там.

У силi чайна была,
А в чайнiв быв уйко.
Уйко каже: - Уд иннись
Вшкола твоя туйка.

Кить ми нянько дасть грайцарь,
В штримфиль го ни прячу -
Уп'ю лiтер, уп'ю - два,
Щи й дiстану здачу.

Рас быв сам я здачу дав
Лабов у гузицю.
Мiлiцiшта ня узяв -
Запер у тимницю.

У тимници довго я
Ни сидiв, ги злодiй, -
Впер имся плечом в стiну,
И вже м на слободi.

А слобода вта минi,
Ги небесна манна.
Ты, слободонько моя,
Вдинь и вночи п'яна!

Кить на танцi пiду в клуб,
Та кить собi дубну -
Чути, чути таниць мiй
И звонка, и зунну!

Рас до цяткы тверезый
Туй прийшов на танцi я,
Каже Анця: - Маєш ты
Пiллу рипутацiю.

Я на ся попризирав
И здолы, и згору,
Й кажу: - Йсе ми уповiш,
Як тя ввижу голу!

Я до танцю Анцю взяв -
Гий! ми мiсто дайте:
З Анцi в танцi фырк сукман,
Фыркли чунi й лайбик.

Я на рукы Анцю взяв,
Й несу голу Анцю я -
Гий, попровбує вна ннись
Пiллу рипутацiю!

ЗАГОЛОВКЫ | Пишіть! |