Petrovtsiy

Петровций Иван

Иван Петровцій
НАШІ СПІВАНКЫ :

СПIВАНКА ЗА ПРОПАЛЫЙ ГРАЙЦАРЬ
Учора всьi хвалили ня до неба -
Я серет п'яных быв и бог, и царь.
Иннись руков попытав им до жеба,
А там - пропав послiнньый мiй грайцарь.

Я ни пропив го - точно памнятаву.
Ни вкрали д ня - там были цiмборы.
Ннись не лем персты - вшитку п'ясть запхаву
До в занньiм жибi врваної дiры.

Коли м ся впстав с порожньыми жебами,
Вповiв им вто, що кажуть люде злi,
Кой голым нохтьом вдаряться у камiнь,
И кров челлена брызне по зимлi.

Кого клясти? - Тых, що пачмагы шили?!..
Ци тых, що ми пачмагы продали!?..
Бо были в мене грошi! Точно были!..
А ннись пропали - гиби ся скляли!..

Довкола ходять люде, жоны, дiти,
Дiвкы смiвуться - грiм бы йим у смiх! -
Дiру, що в жибi, мiх им щи стирпiти.
Дiру, що в серци - вже м нияк ни мiх!..

Ни знаву, ош коли ми гiрше было -
Ци як смiялася ис мене цвiтом ярь
В тот динь, кой ись навхтема ня лишила,
Ци кой пропав послiнньый мiй грайцарь?!..

ЗАГОЛОВКЫ | Пишіть! |