Новинка "НАШ ЧАС" №9 (40) вuторок 5 октовбра 2004 года
Дорогый русинськый читалнику!
Дуже тя прошу прочитати подану выше информацию з новинкы, бо вто є дуже важно!
Подана у новинках Пuдкарпатя сися информация страшна свойыв правдов - новинка "Правозахист" вшыткы факты бере из правоохранитильных органuв, и туйкы віровати сьме годны каждuв букві.
Убийство жоны геніялного маляра Адальберта Ерделія и ограблениє йих квартілї заказав америцькый гражданин, што живе у Канадї, Магочі, а вчинив пuдкарпацькый слуга, ци й раб Магочія - Фединишиниць.
Уплыла правда наповирьхы!
Русины Пuдкарпатя памнятавуть, ош як Магочі заказав и заплатив Фединишинцю гроші, обы Фединишиниць написав за Магочія книгу. Йсе быв первый заказ канацького американтоша Магочія пuдкарпацькому графоманови Фединишинцю, и книга Фединишинця за Магочія ся убявила. Потому пак Магочі требовав, обы тота книга про нього была стовмачена-переведена у вшиткых державах, де живуть русины. Первый її перевод ся готовив у Сербійи, айбо Мілошевича забили в тюрьму, и вшытко ся у Магочія в Югославійи зломило...
Вшытко!
Знаєме як Магочі торгує премийов имени Духновича. Продавав ї геніалному скульпторови Беленю, айбо Белень ся ни согласив ДАТИ ЗАДАРЬ Магочійови роботы Беленьової жоны-маляркы и свої. И Белень - автор памнятника Духновичу в Ужгородї, автор май обємної й глубокої книгы за Духновича, премию имени Духновича ни дuстав. Завто дuстав ї Микита, котрый ани цят ни вчинив дїла русинства...
Авать за што была дана премия бездарному коломыйкарьови из Пuдкарпатя Калиничови?!
Само собов, ош Магочі уд Калинича из порожньыма рукома ни пuшов!
Заслужив у Магочія премию имени Духновича май бездарный графоман на Пидкарпатю Фединишиниць. Чим?! А тым, ош служить "МАГОЧІЮ МОГУЧОМУ",так што й гузицю тому улизує:
- просить Магочі Фединишинця написати книгу за самого Магочія, и бездарный Фединишиниць пише;
- просить Магочі украсти велику й богату біблійотеку Карпатикы уд Ивана Комловшія з Берегова, и - Фединишиниць тото чинить уєдно з Микитом;
- просить Магочі Фединишинця дuстати Магочійови роботы майліпшых малярuв Пuдкарпатя, и тупый Фединишиниць дuстає - ни бойиться и смерти майже што дивяносторuчної жоны маляра Ерделія ... Украдено понад пятдисят робuт геніялного Ерделія! Туйкы Фединишинцьови дуже помuг його сын Міша - щи дись сім годuв тому прибрехався до старої жоны и ухосновав ї лем мuг. А типирькы жону Ерделія вбили...
Иппен меже новинарями Пuдкарпатя ни дїла кого ниє секретом остроє захворьованя на шизофрению сына Фединишинця Міші. Иппен низадовго до убивства жоны Ерделія и ограбления йиї квартртілї у Феденишинця ся почало осїнньоє обострениє шизофрениї - у такому состоянию овuн и пuшов на тото страшноє діло!
Мусайно туйкы вповісти, ош и жона Фединишинця - мати шизофреника Міші тоже хвора на шизофрению - довuх ї до того "писатиль" Фединишиниць.
Интересным є туйкы й тот факт, ош пару годuв тому Фединишиниць празновав своє шістдисятрuчя у ужгороцькuв хыжи Союза писатильuв, де дотuть вісіло много истинных робuт Манайлы, Ерделія, Кашшая, Бокшая... На празнованя ключі уд хыжі Союза писатильuв дас пару днuв были у Фединишинця.
И такий нараз по сьому празнованю ся убявило, ош ани єдної роботы сих великых малярuв у ужгороцькuв хыжи Союза писатильuв ниє - украдені!...
А в хыжи Ерделія не лем украли на сотнї тисяч доларuв його геніялных робuт - бuлше ги кой пядисят! - ай ищи убили перестарілу жону Ерделія.
И сліды сього смертелного паскудства привели до Магочія, до Фединишинця!...
Нормалні русины из Пuдкарпатя ни пuдуть на магочійuвськый конгрес у Польщу, котрый мав бы быти у юлію 2005 года. Айбо кить тамкы и будуть Магочі з Фединишинцьом, та ба што уповідять за сисї свої злодійства?!...
Уповідять, ош убили удовицю геніялного Ерделія и убыкрали хыжу маляря Ерделія во благо русинства?!...
Грошожадный Магочі и тупый графоман Фединишиниць на такоє валовшны.
Айбо - буде суд!... Суд як над грабитильом и вбивцьов, так и над заказчиком грабитилства й убивства!
Буде суд!
