Petrovtsiy

Петровций Иван

Иван Петровцій
ПОСЛЇДНЇ СПUВАНКЫ
РУСИНСЬКА ПОЕЗИЯ :

СПUВАНКА ЗА ВТО, ШТО Є В ТОБІ
Я Пекло відїв
первый раз - у собі,
а вже потому
відїв им го - в вас:
Чорты ходили
у мойuв подобі,
а Янголы -
похожі всї на вас.

Я Пекло відїв
на земли,
кой жив им.
По Смерти
Пекла ани Раю - нїт.
Кой быв им злый -
Чортам хвосты крутив им,
а вд Янгелuв -
лем в небі відїв слїд

Кой вмреш, ги я,
та ввидиш,
ош у Пеклї
Чортuв ниє,
а в Раю – Янгелuв,
ош Смирть - ни вічна,
Час - в бокы розтеклый,
и ты -
ни первый раз туй животїв...

А може сь - жив ?!..
Серед земного лому
біду, ци щастя
ни дручай, ни клич:
и Пекло, й Рай
живуть в тобі єдному,
поза тобов -
ни годно быти нич.

ЗАГОЛОВКЫ | Пишіть! |