Petrovtsiy

Петровций Иван

Иван Петровцій
ПОСЛЇДНЇ СПUВАНКЫ
РУСИНСЬКА ПОЕЗИЯ :

ЕГЗЕГІ МОНУМЕНТУМ

Я памятник себе воздвиг нерукотворный…
(А.С. Пушкин)

Я памнятник собі вчинив из быля,
Ид ньому путь отавов им обклав.
Ввuн довго бы стояв, кыдьбы огню ни было,
Вать вбы го кuнь голодный ни зожвав.

Та в дньви завтрашнuм ци будуть конї?
Та в дньви завтрашнuм ци будуть русины?!..
Хоть я чинив ушытко, што м быв годный,
Вбы мuй народ ввыйшов у нові дны.

Бо з ним увыйду й я ялі часы витати,
И в навхтемашні дны з рунин до полонин
Тямити будуть ня онь докuть у Карпатах
Упстанеся хоть лем єден русин.

З рунин до полонин – най без страшного гойку! –
За мене вчувуть всї – заможный и бідняк:
Схохоленый гуцул, щи дниська дикый бойко,
Наремный долиняк и гамішный лемак.

До кедвы буду я русинському народу
За вто, ош лайков им спати ни давав,
Што в рабськый час им говорив йим за Свободу,
И уйти з ковдоства м йих призывав.

Будь, Музо, кедвешна, таков, ги Бог прикаже,
Ни бuйся лемзы, а свuй гонор май:
Ни віруй у тото, што вкрайиниць ти каже,
И з болваном ся ни ссважай.

ЗАГОЛОВКЫ | Пишіть! |