Петровций Иван
Иван Петровцій
ПОСЛЇДНЇ СПUВАНКЫ
РУСИНСЬКА ПОЕЗИЯ
:
СПUВАНКА ЗА ЛАЙКЫ РУСИНСЬКІ
Из свальбы в сусїды, де нич им ни пив,
Й зо мнов убыйшлися по свинськы,
Ишов им, и лав им у вшыткых чортuв,
Хоснувучи лайкы русинські.
Злі потята понадо мнов, ги дурні,
Штось каркали по сатанинськы…
Втямив им: вты потята лали менї,
Хоснувучи лайкы русинські.
А пак, фаранный, над ріков им сидїв,
Што бігла зпуд гuр полонинськых,
И чув им: ссважалися рыбкы в водї,
Хоснувучи лайкы русинські.
Й товды – тверезый! – им домак врозумів:
Слuв нашых ни пuбють чужинські
Онь докuть живый ткось бы бисїду вuв,
Хоснувучи лайкы русинські.
ЗАГОЛОВКЫ | Пишіть! |
© Иван Петровцій
, 1996
