Петровций Иван
Иван Петровцій
ПОСЛЇДНЇ СПUВАНКЫ
РУСИНСЬКА ПОЕЗИЯ
:
СПUВАНКА ЗА БРЕХАЧА
На трипитї пупупукав
Тарканистый попікач –
Каждый з успuваных звукuв
Лuг в долоню, ги колач.
А кой буду мати много
Тарканистых колачuв,
То вже туйкы є нидовго
И менї до богачuв.
Стану я багатым дуже:
Буду істи човколад,
Нюхати пахнячі ружі
И… хоть кого копну в зад!..
Бо я – пан, бо я – багатый!..
А багатым што – мораль?!..
Меже чилядь йдеш пыхатый,
Ги меже овиць – стригаль.
И лем розпростер им рукы
До багатых колачuв,
Й туйкы на! – ни пупупукать
Ни єден з попікачuв…
Я гадав – благоє потя
Голосистый попікач!..
Й туйкы сам умом им протяв:
Попікач, ги всї,– брехач!
ЗАГОЛОВКЫ | Пишіть! |
© Иван Петровцій
, 1996
