Petrovtsiy

Петровций Иван

Иван Петровцій
ПОСЛЇДНЇ СПUВАНКЫ
РУСИНСЬКА ПОЕЗИЯ :

СПUВАНКА ЗА МУЗУ
Над рано, кой темно ся в хыжи и вон,
Кой я щи доникуву тритьый свuй сон,
Муза покровиць з ня нагло стягла:
– Вставай! – ждуть на тебе великі дїла!..

Я Музу поплескав по теплuм заду,
Устав, и промыти здрячкы свої йду.
Голод в жолудку трубов выграє –
Ни ім нич, бо істи у хыжи ниє.

Сякі дїла денні дали ми богы:
Позычити гроші, ни вддати довгы,
Богдай дись пуд вичuр штось веричи в рот,
И гuрко клясти ганьбу денных жеброт!..

Йсе всьо, што вдинь было. Хыба йсе дїла?!..
Богдай бысь ты, Музо, нигда ни прийшла…

ЗАГОЛОВКЫ | Пишіть! |