Петровций Иван
Иван Петровцій
ПОСЛЇДНЇ СПUВАНКЫ
РУСИНСЬКА ПОЕЗИЯ
:
СПUВАНКА НА УДКРЫТЯ КНИГЫ
Кой я йсе пишу - щи м живый.
Кой ты йсе читаш - я вже вмерлый.
Сись шор стиха - ош бы сятый! -
Тобі ни явить лик мuй стерлый.
Я - быв! - й ни думав, ош я - є! -
Та й ни гадав, ош я - ни буду!.. -
Лице світилося моє,
И дыхали глубоко груди,
Думкы ройила голова,
Кров тїлом серце розганяло…
И - раз! - лише душа жива…
А тїло - вмерло, и - пропало…
В сисе повіровати трудно -
Нигде ни видко вже й мuй прах! -
Та як бы вто ни было чудно:
Я єм живый - у сих словах!
А йсї слова мої - РУСИНСЬКІ! -
Сяті, безсмертні наяву.
Ты видиш - читаш йих! - инниськы! -
И я - инниськы! - в них живу!
ЗАГОЛОВКЫ | Пишіть! |
© Иван Петровцій
, 1996
