Petrovtsiy

Петровций Иван

Иван Петровцій
НАШІ и НИНАШІ СПUВАНКЫ
РУСИНСЬКА ПОЕЗИЯ :

СПUВАНКА ЗА ДИЯВОЛА

Головный диявол віка
Ймак ни любить чоловіка:
Жовто уклепаный царь -
Гляданый всьыма грайцарь.

Быв - рубиль, инниськы - гривинь.
Лем го вчора заробив им,
Вже диявола ниє -
Из багатым в корчмі пє.

Діти мої, милі дїти,
Задарь хлїба вам хотїти:
Гет утїк уд нас грайцарь -
Май продажный в світї царь.

Хоть в ня рукы з мозолями,
Та з порожньыма жебами
Быти вшыткый довгый вік
Тот диявол нас прирuк.

Хоть бым улїз вшыткый з кожі,
Та вчинити нич ни можу,
Бо дияволська рука
Мuцно держит руснака.

Гий, русине, ты - русначе,
Нич в Украйинї ни значиш,
И ни будеш нигда пан
Меже злобных галичан

Най на тобі й божа слава,
Айбо з ними тот диявол,
Што лем никать вбысь ни вкріп,
Ай май борше лuг у грuб.

Гий, дияволе, ты - чорте,
Я иннись плюву ти в морду:
Хочу жити без царя -
Вкрайинського грайцаря!

ЗАГОЛОВКЫ | Пишіть! |