Petrovtsiy

Петровций Иван

Иван Петровцій
ПОСЛЇДНЇ СПUВАНКЫ
РУСИНСЬКА ПОЕЗИЯ :

СПUВАНКА ЗА РUЗДВЛЯНУ ЯЛИНКУ
Днись рай земный – рuздвляна нuч! –
Пресвітлый снїг летить до вuч.
В хыжах зелені ялинкы,
На них ся гінтавуть бавкы:
Овечкы з баршуну цвітні,
Зубаті вовчикы смішні,
Одїті в гунї вuчарї,
Из скла піцїцькі кандирї,
Из ряндя зшиті дяволы,
И білокрылі янгелы,
Солодка оща, цукоркы,
З хрестами здолu пацуркы…
На ялинкы здрять дїтвачкы
И тягнуть вд ним свої ручкы:
Днись рай земный – рuздвляна нuч! –
Сята краса летить до вuч.
Колядка чиста из душі
Христа прославити спішить!

ЗАГОЛОВКЫ | Пишіть! |