Петровций Иван
Иван Петровцій
ПОСЛЇДНЇ СПUВАНКЫ
РУСИНСЬКА ПОЕЗИЯ
:
СПUВАНКЫ ЦЇМБОРАМ ДЇТИНСТВА,
КОТРЫ СИСЇ СПUВАНКЫ ВЖЕ НИГДА НИ УЧУВУТЬ
ЛАДЬО ГУСТІЧИН
Кить мош – взяти у пригорщі огинь
И, смівучися в очи вам, держати.
А дале – веричи, и з вітерцьом ся йграти,
Ни чувучи домак спаленых жминь.
Мош по дїтвацькы улїзти на пинь,
И, ги в селї бирuв, гойкаловати
Онь докuть ни покличе домu мати,
Авать ся кuнчить нискuннченный динь.
В дїтинстві дны были поправдї нискuнченні.
И ты йих, Ладю, нискuнченно хосновав.
Ты быв – огинь и вітер. Й ты пропав…
Хоть – знаву! – ты бысь ся зачудував из мене,
Ош я різцьом класичного сонета
Вчинити байловав твого портрета.
ЗАГОЛОВКЫ | Пишіть! |
© Иван Петровцій
, 1996
