Petrovtsiy

Петровций Иван

Иван Петровцій
ПОСЛЇДНЇ СПUВАНКЫ
РУСИНСЬКА ПОЕЗИЯ :

СПUВАНКА ЩИ НИ СПUВАНА
Я живу у дуже темный час –
Світла віры й цят ниє в народї:
Прізідентом у державі – фрас,
В урядї міністер каждый – злодій.

Тот, тко быв учора рекетир,
Дниськы ся просунув у парламент.
И газдує у державі мир
Гuршый уд войны – бідов, смертями!..

Ковдоство є нормов у люди
Лем тому, бо власти – нинормальні.
Туй кить хоч ни здохнути – сиди
Й памнятай, ош каждый динь – прощалный.

Команішты стратили звізду,
Та вкрайинце унайшли свuй тризуб,
Й принесли в наш край таку біду,
Што русинови днись ни завидуй.

Я живу у дуже темный час:
Де любов горіла – дыше злоба!..
Сїв им собі й думаву за нас:
– Може мы й не люде, ай – худоба?!..

ЗАГОЛОВКЫ | Пишіть! |