Тать пак най собі, ги знавуть,
сходять з розума, здыхавуть –
лем чинїм своє:
газд помечеме у ямы,
утопчеме постолами –
угыгайиме!
угыгайиме!
Пидік, вто уже й ни чунно,
ош мы баторно й бизuвно
сторц устайиме.
Шийталуйиме парадно –
вшыткых ковдошuв за нами
повтягайиме!
повтягайиме!
Успилайиме з млак воды,
Наонажиме заводы,
всї хыжі – на шток!
Дякуйиме пятирічцї –
по шанцaх ростуть косіцї:
радuсть дїточок,
бо без тирнячок!
Наша Армія Червона
на гатарі ймить шпійона,
а йипропланы –
вни у нас и сївуть, й косять,
и до грома нас пудносять
у высочины!
у высочины!
Против мурuв, против гати
комсомолцї фрацоваті –
й помuч нам иде:
бо за ними чортоватых
пійонерuв-дїтвачаток
партія веде,
партія веде.
Ни на Рийнї, ни на Марнї –
лем у нас калгозы файнї –
ни озьме йих фрас!
Небо сьме прикрыли платом,
клепачом товчиме атом –
ий бо файный час!
битангuськый час!
Нисслызенный, низдыхлявый…
Най ся чудувуть державы –
ты чини, бируй!
Хаплеме свої тайстрины,
й стаємо у шор єдиний –
догделабы туй!
догделабы туй!
Тать пак най собі, ги знавуть,
сходять з розума, здыхавуть –
лем чинїм своє:
газд помечеме у ямы,
утопчеме постолами –
угыгайиме!
угыгайиме!
