Петровций Иван
Иван Петровцій
НАШІ и НИНАШІ СПUВАНКЫ
РУСИНСЬКА ПОЕЗИЯ
:
Юз АЛЕШКОВСЬКЫЙ
(1929 р., Росия–Америка)
СПUВАНКА ПАСКАЛНА
Здрю на погар очима битїжныма –
Я вчора лавор мындры спорознив.
А завтра – паска, й чорт ся до ня имать,
Вбым сього году паску ни сятив.
Малювуть яйця синьо и бордово,
А я лем начеллено йих фарблю.
И буду йих нести, ги кураговы,
Бо я йсе сято, ги дрыган, люблю.
Днись яйця, гикой фінжї, розбивавуться,
И чїлінговы просто в душу бють.
И ковдоші всьых стран соєдинявуться
За тым столом, де нашу мындру пють.
Як файно аццякої поры года
На фрыштик з церкви бігнути горов!
Курім, хло, дниська опіум народа,
Но, а oвuн най нюхать наш багов.
Кой таролы зачїлінгочуть рано,
Запахне шовдырь, затріщить гордuв,
Як файно в хащи погарuв и склянок
Уздріти нашых шльомпавых врагuв.
Днись вшытки – братя. Я вбыйму китайця,
Мао Цзедун руков менї махне.
Я шмарю му челлині мої яйця,
Менї ввuн свої жовтї зажене.
Я запянїв, и в пысок бити буду
Всьых, тко гарначкы хоче в динь сякый.
И гойкаву: «Ни кывайте, паскуды,
Христа, бо лем єден овuн сятый!»
Днись поцюлюву и жону ворожу –
В сись динь до жuн паскалный интерес.
Сяк на люди мы чинимеся схожыми…
Й ты поцюлюй!.. Воистинно воскрес!
Сяк на люди ми чинимеся схожыми…
Й ты поцюлюй!.. Воистинно воскрес!
ЗАГОЛОВКЫ | Пишіть! |
© Иван Петровцій
, 1996
