Петровций Иван
Иван Петровцій
НАШІ и НИНАШІ СПUВАНКЫ
РУСИНСЬКА ПОЕЗИЯ
:
СПUВАНКА ЗА ВЇРУ
Быває в души у русина
Минута, кой вшыткым єством
Ввuн чує: в карпатськuв крайинї
Сятоє живе божество.
На горы стрімкі, на потокы
Господньоє світить лице.
И очи Його ясноокы
Майменшоє видять сїльце.
Кой кажджа ся хыжа позначить
Ги чистый Господньый чертог,
Товды самы очи заплачуть
Уд щастя, ош з нами є Бог.
Великый, сятый, всьым нам трібный,
Навхтема из нами буди!
И прошу я в Бога ни хлїба,
Ай - щастя для нашых люди.
Рука Божа книгу нам вткрыла -
В нuв каждый знак кровльов гуде.
Й - читайиме вшытко, што было.
И - знайиме всьо, што буде!
ЗАГОЛОВКЫ | Пишіть! |
© Иван Петровцій
, 1996