ТВОРЧА ИНТЕЛИГЕНЦИЯ ПUДКАРПАТТЯ
СЯ УБЄДНУЄ У ЦIМБОРАСТВО ИСТИННЫХ РУСИНUВ
иппен сисе было засвiдчено 26 сектембра в Ужгородi, кой у Домi Александера Духновича ся зыбрали на своє первоє засїданя представителi вшыткых творчых - умiлецькых напрямuв: писатилi, малярi, скулпторы, компоновачi музыкы, режисеры, професiйнi полiтикы, компютерщикы, безробuтнi а многi инi. По дружному спuваню нашого русинського Гiмна "Пuдкарпатскiи русины" народный артист Украйины Петро Матiй заспuвав три свої спuванки, слова до котрых написав талентный молодый поет из Мукачова Роман Пищалник.
Обстоятелным, глубоко продуманым и скомпонованым быв выступ лауреата Меженародної премиї имени Александера Духновича, русинського писатиля Ивана Петровцiя, котрый пак дале й вuх сисе зuбраня.
Причины повного занепада русинського кываня на Пuдкарпатю, гляданя хоть даякых путьuв выхода русинства из повного тупика а инi проблемы болuсно звучали у выступах головы обласної общественної организациї "Занятuсть" Петра Гецка, бiзнесменuв Володимира Иваняса и Ивана Ийбера, філософа, писатиля и скулптора Михайила Беленя, професiоналного полiтика Василя Заяця, фахмана Дома народного уметництва Михайила Бескида, головного режисера обласного театра бавок Олександра Куцика, безробuтного Сергiя Борсука, кандидата историчных наук Людвика Фiлiпа, старiйшого русинського писатиля Василя Сочкы, священника Олександра Юрины а многых другых.
У каждому выступлению звучала остра критика деструктивної дiятелности у русинствi канацького академiка Пола Роберта Магочія и його пuдкарпатськых пудлизнuв попа Митi Сидора, хорiшты Мигаля Алмашiя, команiшты Мигаля Шаргы...
Опридiлено головну идею Цiмбораства Истинных Русинuв - сисе є широка просвiтницька робота, яка досuть была домак удвержена самопоставленыма началниками множества фактично ни фунгувучых русинськых организаций.
Убрано руководящый орган Цiмбораства Истинных Русинuв - КУРАТОРIЙ. До состава КУРАТОРIЯ ввыйшли 11 (єденадцять) кураторuв, котры за куртый час уроблять Устав Цiмбораства Истинных Русинuв.
Цiмбораство Истинных Русинuв на свому первому засiданю єдиногласно приняло два обращения до истинных русинuв у дїаспорi:
1..Про повноє нидовiрiє П.Р.Магочiю; 2. Про ниучастiє у органiзованых Магочiйом конгресах изза йих повного пустовшагу.
Туйкы даєме тексты обох обращений:
1.Про повноє нидовiрiє П.Р.Магочiю
Канацькый американтош Пол Роберт Магочi быв первый раз на Пuдкарпатю 1984 года - товды дуже велiкi почести му провказали команішты (нитко ни знає ош за што!)
1989 года П.Р.Магочi прийшов на Пuдкарпатя в другый раз и проголосив себе духовным няньом ушыткых русинuв свiта, а каммай - пuдкарпацькых. Нас - русинuв - товды на Пuдкарпатю было бuлше, гикой дивятсто изрuв, но и по смерти Совіцького Союза мы ся мало чули гикойбы сиротюками, та согласилисьме ся на Магочійово нянuвство. Айбо типирькы - через чотыринадцять годuв видиме, ош упсталося нас лем дисять изрuв, та твердо кажеме, ош лїпше быбыли сьме были кить уже ни сиротюками, та най хоть копыльцями, айбо лем не дїтьми аттакого няня, котрый за чотыринадцять годuв свого царьованя в русинствi свiта изгирив лем на Пuдкарпатю онь вuсuмсто дивядисят изрuв русинськоi чиляди. Правда, великый вождь Сталiн у Совiцькому Союзi мав бuлшi успiхы у изгириню чиляди, айбо дїла Магочiя и сисе дуже много.
А чому Магочiйово нянuвство серед русинства привело до такых плачевных резултатuв?!... А лем тому, бо такым няньом є П.Р.Магочi – жадным, думавучым лем за себе самого а за свою сiмю. Бо має Магочі жону из Словакиї, а в тої там ся впстала велика, дуже сигіняшна й голодна родина, а з троїчка Магочiйовых дїти єдно жиє в Канадї у Торонто, а двоїчко - в Парижи. А на сисе вшытко грошi треба. А в универзититi в Канадi ся тuлко ни зараблять. Иппен тому й уд самого 1989 года П.Р.Магочi безсовiсно кажду як маймалу, так майвелику фінансову й матерiалну помuч русинської дїаспоры свiта хосновав сам лем дїла себе, а на русинuв Пuдкарпатя давав лем тото, што зубатi професоры Ужгорода годны были уд нього, гикой вовкы, угрызти. Айбо Магочi сам добрый вовк - за сисi чотыринадцять годuв при помочи професорuв Ивана Туряницi, Ивана Кривського, Ивана Попа а иных загрыз у русинствi Пuдкарпатя май инициативных талантuв и впстався сам из такыма гикой овuн вовками: Сидором, Шаргом, Алмашiйом, што ни на яку нормалну роботу серед русинuв и ниваловшны, тай ни думавуть за ниї.
Мы - творчi русины Пuдкарпаття - просили уд Магочiя помочи на регуларну русинську новинку – ни дав!..
Просили сьме помочи на выданя книг русинської класикы – ни дав!..
Хоть мы добре знали, ош уд имени русинuв Пuдкарпатя овuн убыкрав множество благодїйных фондuв Америкы, Канады и Європы. Дuйшов Магочi до такого злодїйства, што у Рuк Духновича ни упустив ани малинької книжичкы нашого Будителя. Намiсто народных книг Духновича за гроші, дані дїаспоров на уданя Духновича, Магочі напечатав якусь свою енциклопедию, гикой бы за русинuв, айбо коштує тота книга дись пиля двасто доларuв, та нитко ї из русинuв не лем не купив, ай и ни вiдiв.
Грошi - МIЛIЙОНЫ ДОЛАРUВ! - пустив Магочi на ублажованя свойых дїти, а родакuв свої жоны, на уданя свойых книг, котры нигда русинам ни трiбнi.
Повбманьовав май талентных малярuв Пuдкарпаття - тuйтакый задарь повдурьовав уд них цiннi картины, из личных бiблїотек русинuв за копiкы удурив цiннi книгы.
На русинськых грошох и на русинськuв кырви став академiком.
А русинство у свiтi, а - каммай на Пuдкарпатю! - погубив.
Тому мы, русинська интелигенция Пuдкарпаття, што ся зыбрала у Цiмбораство Истинных Русинuв, просиме русинську дїаспору свiта ни давати ЗЛОДЇЙОВИ и ОБМАНЩИКОВИ П.Р.Магочiйови ани копiкы, ани цента гроши, котры овuн удурює гикой бы на русинство: Магочi тото вшытко краде лем собі!!!
Тко хоче помагати нам, чесным русинам задушеного Украйинов Пuдкарпатя, най выходить на зязь просто з нами.
На сьому ся пудписуєме:
Иван ПЕТРОВЦIЙ - русинськый писатиль
Петро ГЕЦКО - голова обласної организациї "Занятuсть"
Володимир ИВАНЯС - бізнесмен
Иван ИЙБЕР - бізнесмен
Михайил БЕЛЕНЬ - фiлософ, скулптор
Василь ЗАЯЦЬ - професiйный полiтик Михайил БЕСКИД - фахман обласного Дома умелецтва Петро МАТIЙ – народный артист Украйины
Олександер ЮРІНА – священник
Олександер КУЦИК – режисер обласного театра бавок
Сергій БОРСУК – безробuтный
2.Про ниучастиє у органїзованых Магочійом конгресах изза
йих повного пустовшагу
Цїмбораство Истинных Русиuвни бере участия у вже сїм раз организованых П.Р.Магочійом конгресах тому, бо ани єден из бывшых сїмох конгресuв ни дав русинам Пuдкарпатя нич.
Органїзованы Магочійом гикойбы русинські конгреси суть по правдї продумаными Магочыйом шоу, які проходять як во славу, так и на хосен ЗЛОДЇЯ А УБМАНЩИКА П.Р.Магочія. Бо Магочі щи до вшuткого, готувучи аттакі конгресы, упрошує на нї много гроши, котры сам такый и краде.
Русины з Магочійовых конгрес-шоу хuсна ни мавуть, и тому Цїмбораство Истинных Русинuв участи у Магочійовых конгресах ни бере и до сього кличе вшыткых истинных а чесных русинuв світа.
На сьому ся пудписуєме:
Иван ПЕТРОВЦIЙ - русинськый писатиль
Петро ГЕЦКО - голова обласної организациї "Занятuсть"
Володимир ИВАНЯС - бізнесмен
Иван ИЙБЕР - бізнесмен
Михайил БЕЛЕНЬ - фiлософ, скулптор
Василь ЗАЯЦЬ - професiйный полiтик Михайил БЕСКИД - фахман обласного Дома умелецтва Петро МАТIЙ – народный артист Украйины
Олександер ЮРІНА – священник
Олександер КУЦИК – режисер обласного театра бавок
Сергій БОРСУК – безробuтный
