Мuй май первый сусїд має лем цїмборuв -
Кой йих личить, та читать, ги список.
А я маву врагuв - вшыткым йим бым хотїв
Пястухом залїпити у пысок!
Та вповіште, де силы я тuлко узьму,
Вбы хоть раз доказати тым зайдам:
Руні люде бывавуть лише по уму,
Бог - ни в силї, Бог бывать лем - в правдї.
А врагы проповідувуть рунuсть таку,
Де вни май меже руными руні.
Я мовчу. Туй бым слово дав лем пястуху,
Та вни - моцні, а мы щи всї - тунї.
Лем кой кажуть, ош сила - єдиный йих бог,
Кличу я свого Господа - правду:
Гий, што буде - вто буде, обым хоть издох,
Мuцно бю пястухом в пысок зайду!...
