Petrovtsiy

Петровций Иван

Иван Петровцій

ЗЛОДЇЙ проты ЗЛОДЇЯ,
авать
ПРОХВЕСОР Иван ПОП гавкать на КАКАДЕМІКА Боба МАГОЧІЯ

Дорогый мій русинськый читалнику!
Перед Тобов истинно историчный документ, котрый пудтверджує абсолутну правдивість ушыткого, што я писав у свойых нидавных артикулах-статях.
Айбо сперву лем пару слів за файту Попів из Страбичова.
Два тыжні тому русины Підкарпатя угнали из свойых рядів (хоть тоты ряды слабкі и малочиселні!) як майвеликого межи нашыма русинськыма началниками злодія – родного брата прохвесора Ивана Попа – Митю Попа.Выявилося, ош овін – добре ся ділячи з Магочійом! - украв даных русинськов діаспоров світа ДВАДЦЯТЬ ИЗРІВ -ТИСЯЧ ДОЛАРІВ! Митьо Поп ни гавкать на Магочія, бо через Магочія тоты ДВАДЦЯТЬ ИЗРІВ -ТИСЯЧ ДОЛАРІВ дістав, и з Магочійом ся поділив. Злодїй – из злодїйом!
Айбо, дорогый мій русинськый читалнику, Ты лем почитай ПИСМО ПРОХВЕСОРА ИВАНА ПОПА проты КАКАДЕМІКА БОБА МАГОЧІЯ, што го туйкы долі даєме!
Магочія, гикой злодїя, розоблачає тот Иван ПОП, котрый у своїв по руськы писанів “енциклопедиї” написав цілі оды собі любимому, свому братюкови Митьови (за куртый ріст го в нас называвуть “мийтер двадцять”), свому вітцьови, нич діла русинів ни вчинившому, свойим родакам Шабакам из Америкы, свойїв любимів доньцї и многым свойим цімборам – истинным врагам русинства.
Чому прохвесор Иван Поп узявся, утїкнувши з голодної Украйины в сыту Чехию, за “енциклопедию”!? А тому, бо за тридцять годів свого процвітанія в Москві ни вчинив, гикой научник, нич, бо ни мош раховати науков стовмачені – переведені по руськы три книжочкы популарної белетристикы примітивных чиськых авторів - білше в Москві Иван Поп не вчинив нич. В Ужгородї – абсолутно нич. А типирькы бы здыхати – а честолюбство бавить ! Тым білше, його зять Шабак – американтош словацької закваскы – заправлять в Америцї грошима на русинів світа!.. И – возникла идея “енциклопедиї”, котра й мала бы прославити великого дохтора в науцї Ивана Попа-прохвесора...
За русинські гроші Поп из Магочійом учинили намогилный камінь щи живым русинам лем з єднов цільов – прославити свої имена и вкрасти побілше гроши. Гроші русинські они покрали, айбо – як ся “прославили”!.. - читайте дале.
У тів сімейнів “енциклопедиї” Иван Поп прославив своых цїмборів – былых комаништичных началників, истинных антирусинів – вічного члена комаништичного парткома универзитета Ивана Кривського, бывшого секретаря комаништичного обкома Миколу Макару, бывшого секретаря комаништичної партиї, атеїста и алкоголіка Михайла Шаргу, иппен такого ги вни, загнаного в русинство украйинськов безпеков тупого попа Митю Сидора, галичанина, антирусина Олександра Громового и многых иных нидостойных на Підкарпатю типів. Ни знаву, ош нашто было тыкати в тоту дурняковату “енциклопедию” такых яросных антирусинів, гикой Х.Керита, Ю.Шкробинець ... Ушыткы статї про писатилів Підкарпатя прохвесор Иван Поп безсовісно й нагло переписав из прекрасної книгы ужгороцького научника Ивана Хланты , а самого Ивана Хланту в тів “енциклопедиї” по свинськы убплював!.. Убплював Иван Поп и автора памнятника А.Духновичу в Ужгородї, истинного русина Михаила Беленя, пишучи за нього такоє: “без устойчивых политических симпатий, склонен к коньюнктуре”. Бо так просив написати за Беленя Володимир Микита, котрый из зависти ненавидить Беленя. А иппен Михаил Белень упустив до 200-річя Олександра Духновича велику й розумну книгу про нашого Будителя, де споминать вшыткых чесных люди, што писали за Духновича. Лем ипен ни найдеме у тів книзі ани слова за злодійів у русинстві Магочія, Попа, Алмашія – иппен сися тройця – Магочі, Поп и Алмашій – украли ушиткы гроші русинської дїаспоры на свої никому на Підкарпатю нитрібні “енциклопедиї”, и до 200-річя О.Духновича ни упустили и двох листків, а типирькы щи, гикой збісні псы грызуться.
И – головноє! - обі тоты “енциклопедиї” - компілятивні, накрадені из чужых робіт, из интернета – без єдиної свої думкы, кроме убпльовованя чесных, но неугодных йим люди!
Дорогый русинськый читалнику, читай туйкы ПИСМО ПРОХВЕСОРА ИВАНА ПОПА ПРОТЫ КАКАДЕМІКА БОБА МАГОЧІЯ. Сисе писмо по руськы ся роспространяє в Москві и по вшыткому славлянському свїтї. Читайте як злодій гавкать на злодія!

ПИСМО ПРОХВЕСОРА ИВАНА ПОПА ПРОТЫ КАКАДЕМІКА БОБА МАГОЧІЯ 1 - ва сторінка | 2 - га сторінка | 3 - тя сторінка

ЗАГОЛОВКЫ | Пишіть! |