Petrovtsiy

Петровций Иван

Иван Петровцій
НАШІ СПІВАНКЫ :

Т О С Т Ы, авать КIВЕНОВАНЯ ДО УПИТЯ ЗА СТОЛОМ
Свiтить сонце, мiсяць свiтить,
Звiзды свiтять в небесах!
Щи май ясно ннись нам свiтить
Палинчина в погарах!

Мы в погары налляли так,
Вбы файна была выпивачка.
Я п'ю с тобов, бо я - руснак,
Лем за тото, бо ты - русначка.

Усьо є на столi. И вшиткi за столом.
Самi сьме в погары собi поналивали.
Руснакы, упийме! Бо так щи ни было,
Обы за нас сусiды упивали!

Самi сьме палинку чинили с слив -
Жаль вбы добро ся божоє стiкало.
Я прошу пити за порядочных люди -
Нас так ся мало впстало...

На Путкарпатю влiтi вродилися сливы -
Такi ряснi щи нигда ни бывали.
Мы туйкы ся зыбрали, обы упити.
Тать упийме за вто, за що сьмеся зыбрали!

Руснаку! Упий лем за вто,
Обысь ся розумiв у цiмборах!
Обы ти было лехко на души,
И - тяжко у жебах!

Динь каждый круглый нисконченно,
И - с иглами! - колючый, ги ярич!
Я прошу упити за вто, обы в нас вшитко было,
И вбы нам за тото ни было нич!

Тершный вiз с берега тягнути конi ни хотiли:
Як помастили тинглi - нарас потягли.
Ниє такого, вбы нас силовали, а вбы мы ни пили,
Ану - взяли!

Туй меже нами люде є багатi,
Айбо иннись уже йим й того мало.
Я прошу упити ушиткых за здоровля
Тых, в кого щи здоровля ся упстало!

Нас щи ни вбила
Страшна система -
Тко п'є, тот може
Усьо й навхтема!

На высокiв полонiнi
Пасе баран дикый.
Тко ни любить палиночку,
Тому грiх виликый!

Ищи ни было так, обы руснак
Сусiцькоє ни вiдiв щастя, авать - бiды.
Тать упийме за того руснака,
Котрый за себе постойить, й полежить за сусiда!

На йиннiв горi стойить лигiнь,
А на другiв дiвочка стойить.
Тать упийме за ннишню нiч,
Котра двi горы з'єдинить!

Най Бог заварує ут всякої бiды
Всьых руснакiв! И упийме бис слова,
Обы руснак за столом крекнав ут iды,
А в постели вбы крекнав ут любови!

По прiчiнi, й бис причины
Пийме, хлопцi, палинчину.
Бо тым хлопцям, що ни п'ють,
Дiвкы пiчi ни давуть.

Де є такi файнi люде,
Гикой туйкы за столом?!
Ану, упийме всьi файно,
Вбы май файных ни было!

Прошу всьых забыти за роботу,
Клопоты ушiткi - до мары!
Нам налляли! Упийме, ги треба,
Вбы были порожнi погары!

Влiтi мы пйиме за воду,
А взимi пйиме за лiд.
И пйиме мы круглорічно
За русинськый файный рiд!

Ссважалисьмеся: де сливлянка май мiцна -
З Арданова, ци вта, що ис Осою?!..
Кой п'ю арданiську - щи стою на ногах,
Кой п'ю осiйську - на ногах ни встою!

Робилисьме, гикой нам Бог давав.
Утпочиваєме, гикой нам Бог дає.
Тко в животi свойiм бiды ни мав,
Ис нами най ни п'є!

Кить є у тя палинчина,
И - закуска надурняк,
Ни чикай кiвенованя,
Ай налльи, и - упий так!

Дiти - вто суть життьовi косiцi,
И ннись бы треба упити туй нам,
Обысьме довго бировали даровати
Такi косiцi нашым и чужым жонам!

Мы сiли за столы. Налляли в погары.
Айбо у каждого туй своя гатка.
Тать упийме за вто, вбы быв погар пустый,
Бiда най буде тому, в кого впстанеся хоть цятка!

Ушитко може статися: згорить хлiвчак,
Вiз ис пшиницив може ся втопити,
Вломитися нога, ци - убитися зуб...
Лише руснак ни лишить палиночку пити!

ТАТЬ УПИЙМЕ ЗА ВТО,
ОБЫСЬМЕСЯ НИГДА НИ ВIДIЛИ...
...У ПIЛЛОМУ!

ЗАГОЛОВКЫ | Пишіть! |