Petrovtsiy

Петровций Иван

Иван Петровцій
ПОСЛЇДНЇ СПUВАНКЫ
РУСИНСЬКА ПОЕЗИЯ :

СПUВАНКА ЗА ДЇЛА ЯНГЕЛСЬКІ

Хочу я вам уповісти -
Най ни на біду! -
Люблять янгелы поісти
Лем порзну іду:

Ймуть, заріжуть собі свиня -
Божа благодать:
Хоть говіня - ни говіня! -
Нич, до лем ідять!

По ідї и рук ни мывуть,
Там, де ляжуть - сплять.
А у снї, ги свінї, тывуть,
На всьый світ храплять.

Дале: пробудяться в небі,
Вичuр - выходный,
До дuвок литїти треба
Докu сь молодый!

Молодый, та - файно втылый! -
В череві опух! -
Дуже тяжко тягнуть крыла
Аттакый гиндюх.

Нашто так ся наідати,
Пидiк, знавуть всї:
Тяжко янгел череватый
Лїтать в небесї.

Як у небі ся накрекче,
Зайде в виндиглuв:
Янгел палинку ни хлепче -
Лем вина гордuв.

Так уд рана и до ночи
В кываню - в лету:
Янгел є чилянник творчый -
Творить файноту!

ЗАГОЛОВКЫ | Пишіть! |