Петровций Иван

Иван Петровцій
ПОСЛЇДНЇ СПUВАНКЫ
РУСИНСЬКА ПОЕЗИЯ :
 

СПUВАНКЫ ЦЇМБОРАМ ДЇТИНСТВА,
КОТРЫ СИСЇ СПUВАНКЫ ВЖЕ НИГДА НИ УЧУВУТЬ
              АНДРІЙ ГУСТАВА МЕЙРІНКОВОГО

Ты – праведник. Ты спиш
В янгельськuв благодати.
Я – грішник! – молюся,
И всїм мішаву спати.

Я хочу вбы Бог чув,
Ош я щи ни пропащый,
И гойкаву, ги грuм,
Што гурконить над хащив.

Молитва – из душі,
Айбо ищи й – з гыртанкы!..
И рвеся, й гурконить,
Ги в Чехы руські танкы…

Онь смішно ми – ты йшов
У Чехы окупантом,
Хоть дома, на селї,
Быв ись послїдный дрантьош.

Ты, сигінь, праведник,
И мовчкы спиш у гробі:
А я страшный запал
Нияк ни вдержу в собі.

В дїтинстві было так:
Ты – тихый, я – кричащый.
Типир: ты спасся – вмер,
А я гойчу – пропащый!

ЗАГОЛОВКЫ | Пишіть! |

© Иван Петровцій , 1996

Hosted by uCoz