Петровций Иван
Іван Петровцій
НАШІ СПІВАНКЫ
:
СПIВАНКА
ЗА МАДЯРСЬКЫЙ БАЗАР
На мадярському базарi
Тварi всякої по парi
Ис Йивропы вшиткої.
Є румыны, є полякы,
Є вкрайинськi голi сракы,
Лем ниє жида с житков.
Тот, ко хоче товсто срати,
Мусить форiнт зарабляти,
А щи лiпше - долары.
Бо на роднiв Украйинi
Вшиткi босi й голi нынi,
Щи й голонны, бога му!
Гикой дiти, мы на двойку
Учинили пиристройку -
Пиристройилисьмеся.
Що сьме мали - убалили,
А новоє ни вчинили -
Обисдолилисьмеся.
Всяды на мадярськых п'яцах
Повно нашых путкарпатцiв,
Сигiнь, ни голонны бы!
Тко пiшком, тко на машинi
Вiрно служать Мадярщинi
Тко лише чим годен бы!
Файно йде торговля наша:
Гвiздя, палинка, рiшкаша,
Плинкачi с фоговами...
Два-три форiнты вчинили,
Светры, годинкы купили,
Продаме йих дома там!
З Дебрецена и до Пешту
Мы навчилися гешефту -
Нич, до лем ганглюєме!
Ганьба дома ся упстала,
Лем нас бiднiсть ни лишала...
Дасть Бог - добiдуєме!
Тот, ко хоче товсто срати,
Мусить форiнт зарабляти,
А щи лiпше - долары.
Бо на роднiв Украйинi
Вшиткi босi й голi нынi,
Щи й голонны, бога му!
ЗАГОЛОВКЫ | Пишіть! |
© Іван Петровцій, 1996