Petrovtsiy

Петровций Иван

Иван Петровцій
НАШІ СПІВАНКЫ :

СПIВАНКА ЗА МIЙ ЖАЧКIВ
Я жив на свiтi ни для славы,
Ай для виршiв.
Кить дись урвав грайцарь кырвавый -
Клав у жачкiв.

Виршi самi ми ся писали,
И йшли в книшкы.
Нилехко грошi ся давали
За труд тяшкый.

Настав тот час, и я вмираву -
Вбым й ни хотiв!..
Вам, русины мої, лишаву
Книшкы й жачкiв.

Я вмер. И с пекла позираву
На свiт гiркый -
Що люде с мого убиравуть:
Жачкiв?! Книшкы!?

Я никаву, а чорт ня морить,
Онь им упрiв -
Нитко на книгы ся ни творить -
Всьi рвуть жачкiв!

ЗАГОЛОВКЫ | Пишіть! |