Петровций Иван

Иван Петровцій
НАШІ СПІВАНКЫ :
 

ПРIЗIДЕНТ НА ПIВСТАВКЫ

Тко є файный бадогарь -
Бадогу клепає.
Остолош вчинив будар -
Уттiть ни влiзає.

Сокму маєш - файно робиш,
Нич ни кiвенуєш,
Ходиш собi по бовтах,
Мириндю купуєш.

Айбо є й такi, ги я,
На нич ни валовшнi:
Рукы крiвi, ногы крiвi,
Всьым и всяды довжны...

Хожу голый, хожу босый,
Голонный, нимытый...
Возьму голову у рукы -
Що мiнi робити?!..

Пiшов бым я грабовати -
Заб'ють ня в тимницю.
Пiшов бым я ковдовати -
Копнуть ня в гузицю...

Туй ся я попризирав
Горi-долi нынi,
Выжу: такых, ги я, тьма
В сьiв дурнiв крайинi.

Та ни всьi такi, ги я -
Лiнiвi, завпсталi...
Подекотрi доста файно
Туй ся впаровали.

Голодранцi и засранцi
Вчорашньым моментом,
Иннись усьi - комерсанты,
Авать - прiзiденты.

Комерсантом я ни буду -
Ни знаву личити.
А вкрайинськым прiзiдентом
Чому бы ни быти?!..

Може тото, що я - русин,
Стане на завадi,
И вкрайинськым прiзiдентом
Ни озьмуть ня блядi?!

Тко Кравчук нацiонално?! -
Вiчный команiшта.
Й Кучма ни знать по-вкрайинськы
Ни слова вповiсти.

Рас сякi в них прiзiденты,
Та якi в них - люде?!..
Гий, буде с ня прiзiдент!
А вбы ня бiг - буде!

Гий, бо я ся розгаздуву,
Роспрiзiдентуву:
Всьых багатых - награжу!
Бiдных - поштровфуву!

Гий, бо в мене буде - всьо!
А в тебе - ни буде!
Прiзiдентом на пiвставкы
Убирiть ня, люде!

Сiмволами прiзiденства
Наохтема iзбiрьом
Лошку с вилков оповiтi
Лем гузичным папiрьом!

Дымократ и гуманiшта,
С людьми ся поражу,
Що чинити с калгозами?!..
Най люде путкажуть!

А кой люде ми путкажуть,
Учиню по-свому:
Всьых - на поле, всьых - у гнiй!
Робiть по-старому!

Пак, после икономiчно,
Ги Кравчук, тупый им:
Роспродам усьi заводы -
Най робочый выє.

Бо заводы ни йому,
Ай тым, в кого - грошi...
З усьiма, тко за границив,
Буду я хорошым.

Бо де долары клепавуть!?
Ачий - за кордоном!
А вкрайинськi дуракы
Най iдять купоны...

Й рас украйинце гойчать:
- Закарпаття з нами! -
Та най буде - мы согласны
Кировати вами...

На мой душу, каждый хахол
Чуствовати мусить,
Ош у нього прiзiдентом
С Путкарпатя русин.

Вчиню, вчиню украйинцям
Правову диржаву -
Тот, тко буде мати грошi,
Буде мати й право!

Голых - вдiву, босых - вбуву,
Бiдных - нагодуву,
Щи й освiту ис културов
Вшитку риформуву.

По освiтi: дам два значкы
С бадогы склепати
Такi: 'Сись читати годен!',
Й - 'Сись годен писати!'.

Вбы риформа и в културi
Ни пропала дурно,
Будеме значок вручати:
'Чоловiк културный!'.

Но за втi значкы ся треба
Всьый живiт бороти
Ниграмотно, никултурно -
Так ги было й доты.

Рилiгiйный вопрос пунню
Ут зимлi до неба:
Тко ся молить - най ся молить,
Тко ньит - та й ни треба.

Для вчорашньых команiштiв
Вчиню два сурпризы:
Тко каже, ош вiрує в Бога,
Та най носить ризы!..

Щи: началникы, мiнiштры,
Злодiї законнi
Можуть мати дачi лише
В чорнобыльськiв зонi.

В Ардановi, вать в Осойи
Столицю учиню -
Там май лiпшу в цiлом крайи
Варять палинчину.

А в Кыйовi будуть жити
Умом низдоровы:
Полiтикы, писатилi -
Иншi ковдошове.

Первый рас у всьому свiтi
Жiнськый вопрос рiшу:
Кить у жоны муж мынкавый -
Прiзiдент ї втiшить!..

Сиксуалнi меншины
Волю будуть мати:
Тко тя згрiб, та тот тя в'їб -
Й ни смiєш квичати!

Вбы файно жив й наркоман,
Вбы забыв за горе,
Дам засiяти колопньов
Вшиткый острiв Форос.

Розоружiня.... Пушкы
Людьом подiлити -
Думаву, ош люде знавуть
Що с пушков чинити!..

Айно ... Там щи дiлять флот -
Вто ми труд сiзiфiв:
Знаєш плавати - плавли,
Не знаш - сiдай в шiфу!

Обы йзiсти виликоє,
Треба го здробнити.
Кой дiлилисьме Союз,
Вчивимся дiлити.

Я - вкрайинськый прiзiдент -
Йсю науку знаву,
И Вкрайинську империю
Аццяк подiляву:

Украйину - украйинцям,
Крым лише - крымчанам,
Путкарпатя - русинам,
Галич - галичанам...

Щи указiв та приказiв
Наздаву до бога!
А потому вшiткi спалю -
Туды йим дорога!

Кой всьо пiде по графiку -
Дождi та й зарплаты,
Дам дiтьом трон прiзiдентськый -
Можуть в нього срати...

Кить украйинце ни гонны
Бис сиї забавкы,
Най робить в них прiзiдентом
Клiнтон на пiвставкы.

ЗАГОЛОВКЫ | Пишіть! |

© Иван Петровцій , 1996

Hosted by uCoz