Петровций Иван

Иван Петровцій
НАШІ и НИНАШІ СПUВАНКЫ
РУСИНСЬКА ПОЕЗИЯ :
 

Поль ЕЛЮАР
(1895-1952 рр., Франция)


СПUВАНКА ЗА СЛОБОДУ

На ошколаськых мойых ірках
На лавицях на деревах
На піску на снігу
Пишу твоє имня

На прочитаных вшыткых листках
На вшыткых листках чистых
Камінь кров папірь ци попіл
Пишу твоє имня

На мальованю ороньовuм
На серсамі катунськuв
На королuвськuв корунї
Пишу твоє имня

На поковбіках на пустыни
На гнїздах на рuщю
На шлайирї молодої
Пишу твоє имня

На босоркунстві ночи
На сигіняшнuм костї дня
На оголосках яри
Пишу твоє имня

На тарканистuм ряндю ясноты
На сплїснявілuм сонцю млакы
На вапі на місяцю живому
Пишу твоє имня

На дарабі розораному до гатара
На крылах птиць
На млиновых тїнях
Пишу твоє имня

На дыханю провидняшньому
На морю на шіфі
На гымбі здурілuв
Пишу твоє имня

На кыпени хмар
На потї бурь
На густому темному дождьови
Пишу твоє имня

На тылымбавых формах
На чілінговах хмар
На явнuв правдї
Пишу твоє имня

На пішачках грунковых
На утоптаных арсагах
На пяцах тынтавых
Пишу твоє имня

На лампашови што ся світить
На лапашови што згас
На хыжах ушыткых де м жив
Пишу твоє имня

На вбох половках яблыка
На зирькалї и на сїньох
На порожнuв хыжци слимаковuв
Пишу твоє имня

На псови благuм негавкливuм
На ухах його стырчливых
На лабы його увацькованuв
Пишу твоє имня

На порозї мої хыжі
На рuднuм пурбачю
На сятых габах огня у шпорї
Пишу твоє имня

На вшыткых тїлах ямилных
На чолах цїмборuв
На каждuм сервусованю
Пишу твоє имня

На усокоченому склї
На суветливых губах
У небесїх над мовчаньом
Пишу твоє имня

На згиреных прятанках
На вбаленых лампашах
На мурах журы
Пишу твоє имня

На удкланьованю безгатарному
На голому єденацтві
На ступляях смерти
Пишу твоє имня

На здоровльови што ся вернуло
На припрятаному битангuстві
На сподїваньови без догадованя
Пишу твоє имня

И вдужілый єдиным словом
Я упят починаву жити
Уроженый тебе упознати
И вповісти имня твоє
С Л О Б О Д О


Rambler's Top100

ЗАГОЛОВКЫ | Пишіть! |

© Иван Петровцій , 1999

Hosted by uCoz