Петровций Иван
Иван Петровцій
ПОСЛЇДНЇ СПUВАНКЫ
РУСИНСЬКА ПОЕЗИЯ
:
СПUВАНКА ЗА НИПРОЧИТАНІ КНИГЫ
Нїцше, Гітлер, Фрейд и Далї
На полицю ми книжну лягли.
Я сперед ними - з Осою русин! -
Хочу ся дюгнути йих верховин.
Пuлло йдуть в мене з дїтинства дїла -
Я притулився на сuм боцї зла,
И ни втваряву зацїпленых уст
Ош бы ня звідало сто Заратустр.
Глядаву своє призначїня й роль
В книзї "Аццяк бисїдує Адольф":
Гітлер в "Майн кампфі" всьо файно вповів -
Упомнянув и за нас - русинuв! -
Голос русинськый в Європі затих
Бо щи ни было фюрера в них.
Та де нам до фюрера, кой до нас йде
Щи ни прочитаный русином Фрейд:
Комплексы, лїбідо, мати, отиць -
Начала ни было, а йде вже кониць.
Які нипотрібні, які мы малі -
Фест змальовав нас великый Далї!
ЗАГОЛОВКЫ | Пишіть! |
© Иван Петровцій
, 1996