Петровций Иван
Иван Петровцій
ПОСЛЇДНЇ СПUВАНКЫ
РУСИНСЬКА ПОЕЗИЯ
:
СОНЕТ - І
Ушытко, што уд Господа попросиш -
Дuстанеш, лем на Нього уповай.
Тверду надію в свому серцю май:
Господнє Слово Дїлом плодоносить.
Я - памнятаву! - быв малый и босый,
У молитвах просив им: - Боже, дай
Солодкuв мойuв Мамцї вічный рай
Меж убраных Тобов жuн-мироносиць.
Я онь зомлїв, коли на вшыткый сад
Косицями Господь Бог написав:
- В раю у Мене буде твоя Мама!
И такый нараз чорна смирть прийшла,
И Мамку мою вд мене повела
У Божый рай… через могилну яму…
ЗАГОЛОВКЫ | Пишіть! |
© Иван Петровцій
, 1996