Петровций Иван
Иван Петровцій
ПОСЛЇДНЇ СПUВАНКЫ
РУСИНСЬКА ПОЕЗИЯ
:
СПUВАНКА ИЗ ЛАТЫНСЬКЫМА ПОСЛОВИЦЯМИ
Што м годен вповісти, коли сік транзіт
Глорія мунді1, й здалекu дразнить:
Сонце заходить - лем думка світить,
И моя фловбертка уже ни стрілить.
Бо знає каждый: ін патріа натус
Нон ест и ни буде профета вокатус2.
Лем кой го розпнуть - спuзнавуть пророка,
А докu живе ввuн - єдна з ним морока.
Бирuв и фішкарош кажуть: дура лекс,
Сед лекс3, лем каждый парламентарь - пес:
Кить треба - гавкне, а треба - вкусить…
Нитко живых нас у рай ни пустить.
Довго я віровав, ош нон схоли,
Сед віти дісцімус4, а днись нїколи
Вто схосновати, што м знав дїтинов -
Задарь им книгы рыв, ги кыртина…
Богатый каже: плодіте, цівес5!
А я в отвіт му: ци ни хотїв бысь?!..
Житя минає, гибы й ни было:
Творця - на попіл!
Судю - на мыло!..
1 Сік транзіт глорія мунді - Так ся минать мирська слава.
2 Ін патріа натус нон ест профета вокатус - У нашuв утцюзнинї ниє пророка закликувучого.
3 Дура лекс, сед лекс - Закон твердый, айбо вто є закон.
4 Нон схоли, сед віти дісцімус - Не для ошколы, ай дїла живота ся учиме.
5 Плодіте, цівес - Бийте в тапші, чиляде.
ЗАГОЛОВКЫ | Пишіть! |
© Иван Петровцій
, 1996
