Петровций Иван
Иван Петровцій
ПОСЛЇДНЇ СПUВАНКЫ
РУСИНСЬКА ПОЕЗИЯ
:
СПUВАНКА ЗА ЮЛАНИН ХРІН
На селї три молодичкы
До роботы мавуть звычку –
Коплють, садять каждый динь:
И в Марії родить дичка,
У Олены – парадичка,
А в Юланы – росте хрін!
За тото, што суть шіковні,
И фіглярні, и примовні,
Хлопцї йдуть з усьых сторін:
До Марії – кучерявый,
До Олены – чеперавый,
А в Юланы – росте хрін!
Істи, пити и гуляти –
Кличе чилядь свальбовати! –
В церкви гучно вдарив дзвін:
Йде у шлаєрі Марія,
И в Олены є пасія,
А в Юланы – росте хрін.
Раз на вто є Божа воля,
Раз така у неї доля –
Ни чекала перемін.
Та прийшов фаттьuв неждано,
И кой убыймав Юлану,
Та стоптав ушыткый хрін!
ЗАГОЛОВКЫ | Пишіть! |
© Иван Петровцій
, 1996
