Petrovtsiy

Петровций Иван

Иван Петровцій
ПОСЛЇДНЇ СПUВАНКЫ
РУСИНСЬКА ПОЕЗИЯ :

СПUВАНКА САМОПОБИЙНА
Паскудьте ймня моє, брешіть,
Лемзуйте бuлше:
Я – што за мене ни кажіть! –
Намного гuрше.

Извирьхы всї мої гріхы,
Ги слово в ротї:
Ай, я писав такі стихы,
Які м лем хотїв!

Кой им писав русинськый гімн,
Звер им куфайку –
Сятый и світячыйся нїмб
Надїв на лайку!

Тяглися всї до мойых книг,
Най и нифайных:
Критизловали на при всїх,
Хвалили тайно.

Но, а менї што не кажіть,
И снїг – зеленый:
Кить глядаєте дись ханжuв –
Пuчнїть из мене.

Бо тко бы ня ни обвиняв,
Ош я – падлюка,
Казав им за свиню – свиня!
За суку – сука!

Най ми вты сукы й свиндюхы
Чинять рекламу –
Писати буду я стихы
Навхтема. Амінь.

ЗАГОЛОВКЫ | Пишіть! |