Petrovtsiy

Петровций Иван

Иван Петровцій
ПОСЛЇДНЇ СПUВАНКЫ
РУСИНСЬКА ПОЕЗИЯ :

СПUВАНКА ЗА ДЇЛА ЧОРТUСЬКІ

Ньит! Ни нараз ростуть рогы
У малых чортuв -
Мусай лати дуже довго,
И клясти вuтцuв,

Мусай псами вночи выти,
Пужати дїти,
Возоры в ошколї бити,
Образы товкти,

Убрывати псови уха,
А котови - хвuст,
Пудсыпати цукор мухам,
В лопту пхати гвuзд.

Што ти добрі люде кажуть -
В грязь перековбась:
Умащеный в чорну сажу
В постіль чисту лязь.

Всї спuвавуть, ты - шипиляй,
Стань ногов на торт!…
Вбы казала за тя чилядь:
- Ни дїтвак, ай - чорт!

Так, ги чорт, пий палинчину,
И навхтема знай:
З файного ся чорта чинить
Файный сатана!

А коли усатанїєш,
Й дале - сатанїй:
Упырьом будь, вовком, змийом,
Лем козлом - ни смій!

Кой за ногы ся попыташ
Вбысь лем не зомлїв:
На ногах ростуть копыта,
Рогы - на чолї!

Ты уд рана и до ночи
Мулатлуй, гуляй:
Сатана - чилядник творчый! -
Паскудотить рай!

ЗАГОЛОВКЫ | Пишіть! |