Petrovtsiy

Петровций Иван

Иван Петровцій
ПОСЛЇДНЇ СПUВАНКЫ
РУСИНСЬКА ПОЕЗИЯ :

СПUВАНКА ЗА ВТО, ОШ ВСЬО МИНУЩОЄ
Динь иннишньый вітрами продуло.
И я чудуву ся, ош як є:
Всьо, што было, тото ся минуло,
Всьо, што буде, того щи ниє.

А накuлко реалный динь днишньый:
Горы, села, одежа, іда?!..
И накuлко є вышньый Всевышньый?!..
И накuлко є в Ньому нужда?!..

Айбо нашто ми кывати Бога,
Кой ни годен кынути м себе!..
Динь иннишньый, иннишня дорога
Вмруть й забудуть – мене. И – тебе.

ЗАГОЛОВКЫ | Пишіть! |