Петровций Иван
Иван Петровцій
ПОСЛЇДНЇ СПUВАНКЫ
РУСИНСЬКА ПОЕЗИЯ
:
СПUВАНКА ЗА ВШЫТКО ФАЙНОЄ
Кой хмарами небо забили вітры,
Гет хмары м у небі розмuх помелом,
И нараз им звізды вшорив у шоры –
Я хочу обы вшытко файно было.
Потому м поникав на зимлю долu:
Узяв им у рукы тугоє скребло
И зшкрuб им всю паскудь з села, гикой лuд –
Я хочу обы вшытко файно было.
А дале м поникав у двuр мuй и твuй,
Куды всякі біды судьбов натягло,
И гет им зметав усі біды, ги гнuй –
Я хочу обы вшытко файно было.
Запрятана в серци ся вткрыла душа –
Боляща, плачуща, слабка, гикой скло… –
Стояв и мовчав – нич им ї ни втїшав,
Хоть… хочу обы вшытко файно было…
ЗАГОЛОВКЫ | Пишіть! |
© Иван Петровцій
, 1996
