Петровций Иван

Иван Петровцій
НАШІ и НИНАШІ СПUВАНКЫ
РУСИНСЬКА ПОЕЗИЯ :
 

КАММАЙ КУРТІ СПUВАНКЫ




ЗА БОЖОЄ ДАНЯ

Бог дав менї русинськый край з рождения за вто,
Бо лем в роднuм краю живuт мош звати животом.


ЗА ДЕРЖАВУ

Держава, у котрuв прожити ни мош,
Ни має цїны на базарї й на грош


ЗА КУРТОЄ

Написав им, айно - я,
Доста помпадурноє.
Но оно май файноє
Лем тому, бо куртоє.


ЗА СУДЬБУ

Судьба многых погняцкала,
Й за мнов її пес біг.
Судьба на мене гавкала,
Лем я уд ниї втїк.


ЗА ДУРДОМЫ

Кой до смерти готовы мы,
Бо ни вбратися - нич, ани - істи,
Мы постройиме дурдомы
Для вкрайинськых економістuв.


ЗА ПРІЗІДЕНТА

Кой в державі куперай - бардак,
Де лем бандіт бандітови свисне,
Прізідент схожый на піняк,
Котрый скоро ся трісне.


ЗА ДНИШНЬОГО ПРАВИТЕЛЯ

Тот, ко бы мав попасовати козы у Загатю,
Командує иннись ушыткым Закарпатьом.


ЗА СОЛОТКЫЙ ВОЗДУХ

В краю, де м урuс, суть ми кровно рuдні
Высокі горы й потuчкы малі.
Лем туйкы можу дыхати слободно
Солоткым воздухом русинської землї.


ЗА ЖЕЛАНІЄ

Єдного прошу в Бога и желаву:
Русиніє! Щасливов будь державов!


ЗА МАЙДОВЖЫЙ РОЗУМ

Вішай на нї пантлї, чілінговы,
Вбы упознати, ош тко и де - якый:
В нас дuвкы суть май розумні, ги фаттьовы,
А фаттьовы май розумні, ги дuвкы.


ЗА КУФЕР ИЗ ГРUШМИ

Бываву - сятый, чаще - грішный:
З лїт малых им собі гадав,
Ош ци є такый куфер из грuшми,
Вбым понести го ни бировав?...


ЗА МУЗИНЫ СЛОВА

Муза каже:- Сього дня
Ни сиди, ги пинь:
Кить ниє в стихах огня -
Меч стихы в огинь!







Rambler's Top100

ЗАГОЛОВКЫ | Пишіть! |

© Иван Петровцій , 1996

Hosted by uCoz