Петровций Иван

Иван Петровцій
ПОСЛЇДНЇ СПUВАНКЫ
РУСИНСЬКА ПОЕЗИЯ :
 

СПUВАНКЫ ЦЇМБОРАМ ДЇТИНСТВА,
КОТРЫ СИСЇ СПUВАНКЫ ВЖЕ НИГДА НИ УЧУВУТЬ
              ВАСИЛЬ ИВАНА МИТРИКUСЬКОГО

У Василя отиць быв босоркун –
Кому штось наворожить Митрикuськый,
Тому вже ни поможе й пuп осuйськый,
Ош бы му сват! Ош бы му кум!

Вд коровы мuг вдобрати молоко,
Вчинити так обы здыхали кури,
Вать на село нагнати чорну бурю
Прогuрклым босоркунськым голоском.

Айбо Василь у няня ся ни вдав,
Тай втиць ни передав му свою силу –
Кой быв малый, та вєдно сьме ходили,
А кой пудрuс – побожным дуже став.

Василь пuшов ся вчити на попа,
Й поправдї став нипuлло поповати,
Лише судьба, гикой нирuдна мати,
Была до нього на добро скупа.

Быв перед Богом чистый, гикой скло –
Из нього стати мuг ся и ладыка.
Айбо у грuб го повела гертика –
Василь умер. Й забыло го село.

ЗАГОЛОВКЫ | Пишіть! |

© Иван Петровцій , 1996

Hosted by uCoz