Петровций Иван
Иван Петровцій
ПОСЛЇДНЇ СПUВАНКЫ
РУСИНСЬКА ПОЕЗИЯ
:
СПUВАНКА ЗА МUЙ ХРЕСТ
Уполудне цвітної недїлї.
Кой пuп службу у церкви кuнчав,
Склав им навхрест слова свої смілі,
И тот хрест им у рукы узяв.
Айбо чуву - в руках го ни вдержу:
Сила моя для сього мала!..
Тай на пличі го сам ни завержу…
Й туйкы чилядь менї помогла:
Хрест - на пличох є, ногы - ги струны
Уд страшної напругы гудуть!..
Ткось ми каже, ош люде розумні
Таку тяжuсть на себе ни взьмуть…
Айбо най ми тко хоче вто каже:
Сись хрест мuй, и менї го нести -
Хоть ребром най на серце ми ляже,
Буду з ним на Голгофту ити!
Тайні символы хресного ходу -
И павісы, й сята курагов
Вже были. Та ни было народу,
Што зо мнов на Голгофту бы йшов!
Лем кой слово ся світлом имило
На хрестови горіти й цвісти,
Украйинцями вчмелена чилядь
В три потокы яла за мнов йти.
А в русинuв уд Бога є сохта -
Каждый путь до кuнця идеме:
Хоть высока русинська Голгофта,
Терпеливо свuй хрест несеме.
ЗАГОЛОВКЫ | Пишіть! |
© Иван Петровцій
, 1996
