Петровций Иван

Иван Петровцій
ПОСЛЇДНЇ СПUВАНКЫ
РУСИНСЬКА ПОЕЗИЯ :
 

СПUВАНКЫ ЦЇМБОРАМ ДЇТИНСТВА,
КОТРЫ СИСЇ СПUВАНКЫ ВЖЕ НИГДА НИ УЧУВУТЬ
              ПЕТРО РОМАНИК

Петро писався – Романик,
Яку мав назывку – ни знаву.
Єдно лем файно памнятаву –
Петро быв добрый ученик.

Ид точным ся наукам тяг:
Быв первокласный математик –
Овuн мuг и такоє знати,
Чого и вчитиль бы ни збаг.

Я памнятаву лїтньый динь,
Всьый клас быв на прогульцї в хащи:
Прийшли сьме рано, вшыткы натще,
Найшли єден широкый пинь,

Мы застелили го, ги стuл,
Довкола вшыткы посїдали,
И тамкы сьме фрыштиковали –
Така краса была довкuл!..

Петро уд щастя заспuвав –
Слова и новту нам низнані,
Його чутями осіянні
З нас каждый в душу убирав!

Минулися тот динь и рuк…
Житя минулося Петрово…
Айбо – вта новта, тото слово
У хащи тuв звинять навік!

ЗАГОЛОВКЫ | Пишіть! |

© Иван Петровцій , 1996

Hosted by uCoz