Petrovtsiy

Петровций Иван

Иван Петровцій
ПОСЛЇДНЇ СПUВАНКЫ
РУСИНСЬКА ПОЕЗИЯ :

СПUВАНКЫ ЦЇМБОРАМ ДЇТИНСТВА,
КОТРЫ СИСЇ СПUВАНКЫ ВЖЕ НИГДА НИ УЧУВУТЬ
ВАСИЛЬ КUЗЛЯКUВ
Гий, Василю, сиди в былю! –
Што ти щи казати?..
Ни вчили тя отиць–мати
Дома газдовати.

Я, Фирій, ты.., тко щи з нами?.. –
Вже й ни памнятати! –
Серенами онь у Білкы
Йшли колядовати.

Зажмурив им собі очи
Й вижу тя, ниборе:
Ярь.., земля ищи студена..,
А ты з вuтцoьм ореш…

Ваша хыжа в селї – крайня,
А за нив – толока.
Мы палинку пєме в корчах,
Онь ми стягать око…

то бы щи поспоминати? –
Як исьме ся били?! –
Было того доста й часто…
Ци тямиш, Василю?!..

… Пак ми люде розказали
Ош як жив ты бідно:
Жона вмерла, дїти пuшли,
В хыжи впали стїны…

Позираву на край села:
Там, де твоя хыжа –
Ани тебе, ани хыжі,
Ни себе ни вижу…

ЗАГОЛОВКЫ | Пишіть! |